Nola aukeratu eskolaz kanpoko jarduera bat?
Sarritan, gure seme – alabentzat, eskolaz kanpoko jarduerak guk bete ez ditugun desioen arabera aukeratzen ditugu. Hala ere, haiengan kalterik ez sortzeko, bere interes eta gaitasunak ezagutzea garrantzitsua da. Jarraian, gure txikientzat eskolaz kanpoko jarduerak aukeratzean kontuan izan behar ditugun zenbait gauza gomendatzen dizkizuegu:
- Eskolatik kanpo zer egitea gustatuko litzaiokeen galdetu zure seme – alabari.
- Aukeratutako jardueraren saio bat hartzen utzi gustatuko zaion jakiteko.
- Bere adina, nahiak eta gaitasunak kontuan hartu aukeratu baino lehen. Adibidez, zure alabak dantza gustoko badu, «gaur egungo dantza» jarduera iradoki ahal diozu, multikirola beharrean.
- 6 urte baino lehen, psikologoek araurik gabeko jarduerak gomendatzen dituzte.
- Inoiz ez erabili jarduera saritu edota zigortzeko.
- Haurra logure dela, nekatuta dagoela, edota jardueretara ez joateko aitzakiak jartzen dituela ikusten baduzu, jarduera hori berarentzat gehiegi izan daiteke.
- Haurra gogoz joan behar da jardueretara.
Beraz, zure seme – alabaren jarduera aukeratzerakoan alde hauek kontuan izatea gomendatzen dizugu.
Osasuna eta produktibitatea
Gero eta gehiago dira bere langileei ahalik eta lan – osasun baldintza onenak eskeintzeaz arduratzen diren enpresak, langile osasuntsuak izatea produktibitate handiagoaren sinonimo dela ulertu dutelako. Gure langileen osasuna zaintzea, enpresarentzat oso onuragarria eta probetxuzkoa da.
Honek, enpresak bere gain erantzunkizuna hartzea eta bere langileen lan – osasuna hobetuko duten tresna eraginkorrak bilatzea suposatzen du, enpresaren itxura eta ospea sendotzeko osagai gehigarria izanez.
Tresna horietako bat jarduera fisikoa da. Pilates eta antzeko jarduerek, jarrera desegokiekin harremana duten arazo kopurua gutxitzen lagunduko digute, ondorengo onurak lortuz:
- Artikulazio eta muskuluak gehiegi kargatu barik lana aurrera eramateko egoera fisiko ezin hobearen lorpena.
- Zure langileen gorputz jarreraren hobekuntza, bere sistema muskulu – eskeletikoaren hondatze goiztiarra saiheztuz eta lan – bajak gutxituz.
- Zure langileak proiektu zehatz baten ondorioz presiopean egongo direnean, jarduera hauek kontzentrazioa mantentzen eta larritasuna gutxitzen lagunduko diete.
- Zure langileak motibatu ahal izango dituzu eta zerbitzu hauek zure bezero onenei oparitu.
Entrenatzaile pertsonala izatearen abantailak
Gizakia, betidanik, bere osasun eta entrenamendu fisikoaz arduratu izan da. Egoera fisiko ona izateak, aldizka kirola egitearekin eta elikadura orekatua izatearekin batera, bizi kalitate hobea ziurtatzen du. Entrenatzaile pertsonala, gure helburuak lortzen laguntzeko pertsona ezin aproposagoa da.
Entrenatzaile pertsonala ariketa programak eta entrenamendu pertsonalizatuak egiteaz arduratzen den profesionala da. Lana gimnasio batean, bere etxean, bezeroaren etxean, parkean, edo gaur egungo bertsioan, interneten bidez aurrera eraman dezake. Bere eginbeharra bezeroaren osasun eta gaitasun fisikoak aztertzea da, maila ezberdinekoak izan daitezkeen zenbait ariketa zehazteko.
Entrenatzaile pertsonal baten zerbitzuak kontratatzeak, jarraian zehazten ditugun zenbait abantaila eskeiniko dizkigu:
- Bezeroak laguntza psikologiko eta etengabea zein pertsonalizatua den informazio iturri ezin hobea dauka.
- Behar duenean, helburu, zalantza, zein nahiak proposatu ahal dizkio.
- Entrenamendu saioak atsegin bihurtzen ditu.
- Tratu zuzenak, etengabeko elkarrizketarekin, entrenamendu zorrotzak era alaiago batean aurrera eramaten laguntzen du, batez ere, ariketa fisikoa bakarrik egiteko edota gimnasiora maiz joateko irmotasuna ez dutenen pertsonentzat.
- Uneoro gure ariketak zuzenduak izateko aukera dugu, lesio fisikoak saihestuz.
- Ordutegiak gure beharretara egokitzeko eta ustekabekoren bat sortzekotan, saioaren ordua aldatzeko aukera dugu.
- Nahiz eta gimnasiora joatea baino garestiagoa izan, entrenamendu plana eta finkatutako helburuak betetzea ziurtatzen digu.
Egiaztatu ahal izan dugunez, gure entrenamendu saioetan abantailak ugariak izango dira entrenatzaile pertsonal on baten zerbitzuak kontratatzen baditugu.
Jarrera kontrola
Post honetan bizkar eta artikulazioen mina saihesteko, jarrera ohitura zuzenak izatearen garrantziaz hitz egingo dugu. Jarrera berean denbora luzez gaudenean, bizkarrezurrak zein artikulazioek sufritu egiten dute, sarritan, hartutako jarrerek gure bizkarrezurraren kurbadura fisiologikoa handitzen dutelako.
Beraz, jarrera on bat, osasun on batentzat oinarrizkoa da. Besteengan erraz antzematen dugu jarrera txar bat , baina gugan ikustea, nabaritzea eta zuzentzea, ordea, ez da hain erraza. Horretarako, gure gorputza aztertu behar dugu, akatsak ezagutu eta hauek zuzentzen saiatu.
Zergatik garrantzitsua da jarrera zuzena mantentzea?
- Gorputz pisua artikulazio ezberdinengan era zuzenean banatuko dugu, bizkarreko behe aldea edota belaunak gehiegi kargatu gabe.
- Ornoak batera mantentzen dituzten loitaluengan tentsioa gutxituko dugu, hernia izateko aukerak murriztuz.
- Muskuluei era eraginkorragoan lan egiten utziko diegu, eguneroko jarduerak egiteko indar gutxiago erabiliz, eta beraz, gutxiago nekatuz.
Jarrera oker baten ondorioak:
Jarrera oker batek, muskuluen gehiegizko ahalegina suposatu dezake hauek denbora luzez jarrera berdinean daudenean. Uneoro jarrera oso zurruna mantentzen duten pertsonek, adibidez, gerrialdean arazoak izateko aukera handiak izango dituzte.
Beraz, jarrera ezin hobea izatea ezinbestekoa da egunero egiten ditugun jarduerak zaman bihurtu ez daitezen.